御の味 (Closed)

灣仔區其實就幾多嘢食嘅，但我個人比較悶，去開一間就無心揀其他餐廳。通常嚟呢間都係食Lunch，佢嘅Lunch有平有貴。我就視乎心情嚟揀嘅。有時心情無咩特別，我就會揀個經典日式lunch，照燒雞扒定食。佢嘅套餐好豐富，會包括前菜，三片刺身，沙律，燉蛋。好豐富，照燒雞扒燒得好外焦內嫩。刺身鮮甜。咁多嘢食都只係70蚊。有時心情有啲麻麻地，就會叫個貴啲嘅set，通過消費嚟轉換心情。銀鱈魚西京燒配立魚湯稻庭烏冬，可以食到稻庭烏冬就已經好開心，果種滑嫩嘅口感，可以平復到混亂嘅心情。呢度環境唔錯，有種復古嘅感覺，一個人嚟都無試過搭枱，坐得幾自在。