渝味曉宇重慶老火鍋 (聚賢逸居) (Closed)

夜晚打邊爐梗係正但貴好多，難得同老公清大假，食個邊爐Lunch先夠精彩，最正係Lunch食真係好抵食啊！餐廳光猛乾淨最鐘意坐卡位夠曬闊落，落單用QR code夠方便一人一爐邊爐夠曬衛生啦，每人百幾蚊，但個套餐好多料，我再加多4隻鮮鮑都係$58。隻鮑好大隻，長過我隻手指，食落仲好鮮甜好彈牙安格斯肥牛好濃牛味，滾廿秒就食得，好正餐入面有丸，有餐肉有腸有烏龍麵同埋仲有大量菜。仲有隻蝦又係好新鮮，超甜鮮好味，百幾蚊一個餐真係好抵，可惜午餐只係星期一至五先有，否則我真係會每個星期都嚟食一次。