錵の工房 (Closed)

平時係九龍灣番pt，每日最大嘅煩惱就係唔知食咩好。今日無意中比我發現公司附近有呢間非常唔錯嘅餐廳，價錢唔貴食物亦都ok，值得推薦。由於我比較遲先放lunch,去到嘅時候人流唔算多，一入就有位。餐牌每星期都會轉，成日黎都唔怕食厭喇😆。我就叫左個辣牛肉便當，食落係韓式辣醬嘅味道，但都唔算好辣，非常惹味，送飯一流。除左主菜，仲有沙律、湯等配菜，成個午餐非常豐富。我仲加左少少錢叫左杯咖啡，呢度嘅咖啡非常唔錯，咖啡味香濃，值得一試。