梁山泊日本料理 (Closed)

諗住來置富商場呢到食午飯，行過睇呢間梁山伯日本料理嘅餐牌，見到佢個lunch set只係60幾，覺得好抵就決定食呢間。前菜有蟹柳蒸蛋同面豉湯。面豉湯味道唔會太濃，剛剛好。蛋蒸得好滑，味道同普通蒸水蛋嘅味差唔多。我叫左個豚肉生薑燒便當。個便當幾豐富，而且份量都幾多。除左飯同豚肉，仲有冷盤螺肉，辣辣地咁，幾惹味，另外仲有一個沙律，配麻醬，有好多生菜同一兩粒番茄。個豚肉生薑燒炒得好好，好入味，d肉唔韌，好易咬。一開始食頭幾啖覺得好好食，不過食多幾啖d豚肉就覺得好濃味，好口喝。總括來講，佢個lunch set有前菜、便當仲配埋野飲，日式菜來講真係幾抵。