夏捌月 (Closed)

之前上網睇話lunch好多人，前一日特登bk定一點鐘兩位。朝早同朋友游完水之後就出發去食，朋友已經餓到傻早左15分鐘到餐廳，見到餐廳淨番一張二人枱，員工招呼左我地入去坐低之後，門口就開始多人要等位，朋友都話好彩我地早到左。睇左一輪menu之後，朋友決定叫蟹膏芝士意大利飯（忘記左影相）我就叫左個黑椒汁牛柳配薯菜，飲品叫左兩枝樽裝朱古力。羅宋湯配料好足，我同朋友均有牛肉同好多菜，碗湯仲用左好可愛既笑哈哈碗裝住，好可愛，睇得出老細既用心。湯水吾會太稀好夠味。個湯仲配左蒜蓉包，真係好香，個皮係脆既，但個入面白色部又吾會太硬咼，真係吾錯。樽裝朱古力好好飲出面好少餐廳會咁特別用呢啲樽裝住。雖然佢吾係正宗維他枝裝，但都有一種懷舊既感覺主菜終於黎啦，朋友個個一黎到就聞到好香，而且真係粒粒金黃色，佢食左一啖之後就係咁話好好食，好重蟹膏味材料好足而且仲好大碗，朋友都食吾晒。不過唯一不足既地方就係當食到一半就感覺有啲膩，朋友要飲水先得。到我既黑椒汁牛柳，叫左五成熟，薯菜係薯條黎，有少量西蘭花。食左一啖，只能說真係好滑好嫩呢間餐廳開左吾係好耐，但都經常大排長龍，總有佢吸引之處，朋友亦話下次要帶男朋友黎食