令酒場 (Closed)

最近經過中上環一帶以現有座新既美食大廈Foco!估唔到入面都有好多幾吸引既餐廳,趁住今日早放lunch就捉左個同事黎食lunch.同事就想食日本菜多d所以就揀左呢間令酒場,lunch set選擇都幾多,除左新鮮既午市刺身丼可以選擇外,仲有各款既日式熟食可以選擇.令極上魚生丼極級豪華既魚生丼!!一共10款魚生全部都相當新鮮,充滿光澤之餘又飽滿.一碗魚生丼有晒大拖羅,海脆,特大帆立貝,鯛魚,油甘魚,三文魚籽,牡丹蝦等等.海膽鮮而甘甜且質感creamy.大拖羅粉嫩入口充滿豐腴既魚油香,入口無筋帶出入口即溶感.特大帆立貝甘甜彈牙,每啖都帶有滿滿既鮮味.刺身底下用上赤醋飯,醋香更突顯魚生既鮮味.野菜稻庭烏冬 配特選串燒野菜稻庭烏冬滑溜而且彈牙,配上清甜既昆布湯,烏冬吸晒湯底既甜味.烏冬仲配搭各款野菜,相當健康.特選串燒一共有9款,今次就揀左大蔥雞肉同厚燒生舌芯,2款串燒都燒夠香.牛舌芯爽彈而且充滿牛脂香,入口好juicy.大蔥雞肉肉質嫩滑,配上串燒沖鹹中帶甜相當惹味.