Video
Read full review
2019-11-18
90 views
最近俾我係香港搵到一間好有情調，位置唔太明顯既餐廳，好想推薦俾大家。呢間餐廳門面已經做得好細心，每一樣野都做到好浪漫，之前周圍行下個時發現佢，咁岩呢段時間呢間餐廳門口有搭棚工程，令到佢地間舖更加唔起眼，今日我決定帶朋友黎一齊幫襯下佢。佢係一間半自助式既餐廳，係咪好特別呢？通常呢Ｄ都係大酒店先會有，餐廳裡面地方唔算大，門口望到最入就係自助式既吧位，有幾款唔同既甜品，但份量唔係每樣野都有咁多，可能我地晏就黎，岩岩開舖既關係，另外仲有幾款沙律菜，沙律配料同醬汁等。仲有餐湯，今日好似係煙肉火腿忌廉湯，味道清清地，黎濃味，唔錯！跟住就黎到主菜啦，餐牌上有幾個唔同既野食，你想幾錢，食咩就係呢個選擇，其實都幾抵嫁，Lunch時段用六十幾蚊就可以食到個Pizza，沙律同湯仲要任食，一定飽啦！不過今日星期六，難得放假休休閒，當然要食D好野啦～我就叫左個美式燒西冷牛扒，牛扒唔太厚又唔太薄，岩岩好，最好唔會太多筋，好容易就可以一片一片切黎食，正！朋友就叫左個黑松露野菌忌廉意大利飯，黑松露都算多，又香又濃味，忌廉意大利飯既汁唔會太多，唔會令到飯好淋，岩岩好。總括黎講，呢個價錢俾你食個下午茶真係勁平，下次要食個
呢間餐廳門面已經做得好細心，每一樣野都做到好浪漫，之前周圍行下個時發現佢，咁岩呢段時間呢間餐廳門口有搭棚工程，
令到佢地間舖更加唔起眼，今日我決定帶朋友黎一齊幫襯下佢。
佢係一間半自助式既餐廳，係咪好特別呢？通常呢Ｄ都係大酒店先會有，餐廳裡面地方唔算大，門口望到最入就係自助式既吧位，有幾款唔同既甜品，
但份量唔係每樣野都有咁多，可能我地晏就黎，岩岩開舖既關係，
另外仲有幾款沙律菜，沙律配料同醬汁等。
仲有餐湯，今日好似係煙肉火腿忌廉湯，味道清清地，黎濃味，唔錯！
跟住就黎到主菜啦，餐牌上有幾個唔同既野食，你想幾錢，食咩就係呢個選擇，其實都幾抵嫁，
Lunch時段用六十幾蚊就可以食到個Pizza，沙律同湯仲要任食，一定飽啦！
不過今日星期六，難得放假休休閒，當然要食D好野啦～
我就叫左個美式燒西冷牛扒，牛扒唔太厚又唔太薄，岩岩好，
最好唔會太多筋，好容易就可以一片一片切黎食，正！
朋友就叫左個黑松露野菌忌廉意大利飯，黑松露都算多，又香又濃味，
忌廉意大利飯既汁唔會太多，唔會令到飯好淋，岩岩好。
總括黎講，呢個價錢俾你食個下午茶真係勁平，下次要食個晚餐先。
Post
