2+2 Café (Closed)

朋友推介左呢一間食自助餐，因為環境幽雅，食物嘅種類好多。今日我哋嚟食午餐自助餐。首先拎咗啲鹹嘅嘢食先。海鮮有青口鮮蝦之類，放喺冰上還算新鮮。刺身係即叫即切嘅，都算幾新鮮，排咗唔係好耐就拎到啦。之後就食甜品。甜品嘅種類非常多，可惜食得有啲飽啦，所以淨係拎咗幾件。甜品的賣相非常靚，但係味道一般，都係比較偏甜。最後食咗杯雪糕，好滿足呀。我認為呢一個價錢嚟食自助餐，算係不過不失，唔算特別超值。