真心泰國菜館 (Closed)

今日lunch去咗真心泰國館食，以前喺度食過晚餐，但喺度食lunch都係第一次。原來哩度嘅lunch menu有7，8頁咁多，有選擇困難症嘅我揀咗差唔多10分鐘先決定到食乜。食冬蔭海鮮泡飯，碗飯未嚟之前醒起唔記得叫佢少辣，因為我印象中記得以前飲過哩度果啲都幾辣...但唔知係我記錯定係泡飯個湯同就咁叫冬蔭公味道係咪有唔同，哩個冬蔭泡飯湯底幾香，少少辣吊味，而且有少少甜味，幾醒胃易入口，海鮮就有青口，蝦，魷魚片，幾好味。而飲品本來要大樹菠蘿青檸梳打，點知無大樹菠蘿，改飲龍眼冰，幾清甜解辣，同埋跟餐嘅飲品係細杯啲。跟住仲估唔到有甜品送，係綠豆沙，煲得幾蓉起沙，個waitress同我講話甜品每日唔同。