居食屋「和民」 (淘大商場3期) (Closed)

同幾個同事忽然想食壽喜燒，諗起呢度有，即刻過嚟試吓，原來lunch menu都幾多款，有：拉麵類、石鍋飯類、當然仲有壽喜燒！我揀咗普通牛肉版嘅 #壽喜燒鍋御膳 $99配烏冬，咁個餐仲有沙律同甜品仔，仲包一杯嘢飲，我叫咗凍檸茶，唔洗加錢。份量ok，烏冬幾彈牙，同事叫咗貴價$139嘅牛，係靚啲，多啲雪花❄️！我仲貪得意用$13買咗棉花糖，其實佢冇講用途，但我哋貪得意買埋放落鍋，不過本身個湯都夠味嘅🤭，但影相打卡幾好～之後為食嘅我仲加$19配多個小食 #惹味蜜糖芥末味雞翼都幾脆，有啲似麥記嘅雞翼加咦蜜糖芥末醬係面。