Tapa Room (宏利廣場)

Open Now

Now Closed

啱啱開始返堂食啦，終於唔使食飯盒，梗係出去食飯雖然呢度午餐唔算太便宜，但係確實一分錢一分貨，Lunch都可以Chill下難得工業區搵到一間咁嘅餐廳真係唔錯。Lunch Meun價錢由$108-$198已經包左湯，頭盤，主菜及飲品餐湯係南瓜湯，南瓜蓉很香甜，非常之幼滑及飽滿。飲完都已經覺得開始有啲飽肚。頭盤 - 凍切拼盤 +$38我最鍾意就係當中紅酒啤梨，腌製得非常之香甜，而且帶有陣陣酒香味，Parma Ham油香味雖然唔夠重，但配埋羊奶芝士一齊食都很有風味。頭盤 - 薄切慢煮八爪魚+$28經過慢煮之後八爪魚完全唔會韌，配埋酸酸甜甜嘅醬汁好開胃。西班牙海鮮鍋飯用料非常之豐富，米飯完全吸收左海鮮嘅精華，如果米飯粒可以更加濕潤就完美喇。慢煮西班牙黑毛豬架豬鞍非常之厚切，而且切開仲見到肉質同埋非常之粉嫩，帶有少許豬膻味，但絕對性價比高西班牙特飲係傳統西班牙嘅特飲Sangria，我又特別中意唔會太甜。