京都一の傳

平日係尖沙咀見完客，去到海港城唔知食乜好，行完4樓muji 一出門口就見到呢間餐廳，望落ok就去試吓。佢個lunch menu都有成10幾個set，$200 - $300幾都有。我好想食牛，就叫左”牛肉壽喜燒” 定食。牛肉都幾大塊，職員話係和牛，一上嘅時候唔係好熟，我浸到咁上下食，真係好滑好有牛味，係靚牛肉來。仲有日本蛋點，正到不得了。服務都幾好有禮貌，不停fill茶，埋單仲送左2張$100 coupon，無限日子，下次試下介紹嘅懷石料理先。