Club Albergue 1601 (Closed)

今日Lunch又去試新餐廳，入到去餐廳環境幾好， 但最令我覺得滿意嘅係餐廳服務態度非常好。同朋友每人叫咗個set，包餐湯，沙律，咖啡或茶或甜品，如果想又要野飲又食甜品的話可以加28蚊要個是日甜品。 今日嘅餐湯係椰菜花忌廉湯，上湯時侍應先幫你加黑椒，湯入口需然食唔出椰菜花味，但味道都唔錯。菠菜沙律入面仲有蝦乾同橙，味道好開胃。朋友另外叫咗兩隻生蠔，來自法國，啲蠔都好新鮮。 主菜我同朋友都一樣叫咗碳燒法國鴨胸伴薯蓉，鴨胸好大塊，啖啖肉好滿足，薯蓉非常滑而且有牛油香味，另外仲配有露荀同烤菇，有肉有菜平衡返，唔會淨食肉咁邪惡 XD 最後個是日甜品係伯爵茶慕斯蛋糕，伯爵茶味唔算好濃，底層仲有啲唔知係蘋果定梨嘅果粒，個人覺得個蛋糕整體味道不過不失。