Tea WG Salon & Boutique (又一城)

Open Now

Now Closed

以往去Tea WG都只係飲茶，今次試試食lunch，full set menu $258，包括前菜、主菜、甜品與茶。我哋兩人去幫襯，前菜分別選了大蒜薯仔湯和魷魚沙律。薯仔湯比較稀，蒜味亦不太飲得出； 魷魚沙律有啲令人愕然，魷魚是炸的，但炸漿與魷魚分離了，應該是炸的時候攪拌得太大力了，反而扁豆不錯，煮得剛好，不會一pat嘢。主菜分別叫了三文魚扁意粉配龍蝦汁、另外加了$100要了慢煮羊扒配薯蓉。講真，佢全部汁醬都聲稱infuse咗茶落去，但都係唔會食得出，gimmick較多。羊扒賣相絕對扣哂分，而且medium變了medium well，幸好煮得腍救返少少。至於三文魚意粉......會有更多比呢間出色的可以試。甜品反而眼前一亮，選了榛子芝麻蛋糕和一個法式焦糖燉蛋的蛋糕，前者一層芝麻、一層榛子、一層忌廉再加上一層拖肥，甜咗啲但幾好吃。另一款表面係法式燉蛋，但中間夾了rasberries，酸酸甜甜好食。