漁京 (Closed)

平日同我一齊lunch既同事無返工，Lunch我一個人去搵好野食。 所以呢 ... 我去左觀塘東廣場<<漁京>>。 東廣場有好多間小小食店，而放滿壽司/ 定食既漁京好吸引我。原因？ 佢地每一盒都有10件以上既壽司，有唔同既配搭，我呢盒以三文魚為主，再配蟹棒、蟹子、金魷魚，加州卷。望落橙橙地色，好搶眼，已經成為我眼中目標。 食落口： 三文魚唔算肥美，但夠新鮮；魷魚、蟹子、八爪魚夠咬口； 如果蟹棒壽司同加州卷可以加多d沙律醬，口感會更加豐富。  另外揀左罐寫滿日文既橙汽水，都成8元咖！ 佢罐上寫係純水，唔用著色劑，應該係健康飲料，但其實我覺得同芬達既應覺無分別，仲有點貴，就當試新野，下之應該唔會再飲。 呢盒10幾件既雜錦壽司+橙汽水，食得好飽飽，一人份量岩岩好。 雖然漁京既座位得10個，不過大家都食得好快，搵位唔難，有冷氣，環境ok。 係一人lunch既好地方。