星巴克咖啡

Open Now

Now Closed

檸檬撻 size 算幾大個，撻皮脆口，而裏面軟滑嘅檸檬餡custard，口感軟滑，酸酸甜甜，清新又開胃，又凍凍地，重點係檸檬餡 custard 同撻底 中間有層薄薄嘅白色脆層，食落多重口感，係個特色。而卡路里算係低少少～280Kcal🤭粟子芝士蛋糕cream cheese 軟滑，亦都係唔會有硬實嘅口感，中間有好多粟子粒，但唔會頂口，而係增加口感。top 有 粟子蓉，好濃郁嘅粟子味，唔錯朱古力蛋糕蛋糕上面舖滿朱古力粉，已經心心眼。而蛋糕面層係厚厚嘅朱古力 cream cheese，口感好 rich，軟滑，唔會有硬實嘅口感。跟住朱古力 cream cheese 同朱古力海綿蛋糕 隔住相間，整體味道朱古力濃郁，好啱朱古力 fans！而卡路里相對只係高少少～305Kcal🤪職員好體貼 問分2個紙盒裝住 是否ok，結果 2個盒3隻叉，但其實我講漏走餐具，同埋我覺得 starbucks 應該要再環保d。