屋喔 (Closed)

今日係銅鑼灣行街街，行左成個上午當然要食個lunch, 抖抖啦！位於金百利廣場嘅3樓有間O'casa嘅餐廳，望落唔錯窩，就簡呢間啦！同朋友一齊合共叫左三味，上圖係鹽酥雞，賣相好靚，炸得岩岩好，香味扑鼻而來，咬一啖超脆口嘅炸雞，果然好好味，無令人失望，咸味調配得岩岩好，正呀！卡邦尼培根義大利麵都好抵讚，個人比較中意食d超juicy嘅卡邦尼意粉，呢味就岩我胃口啦，勁多汁，而且味濃，將意粉配襯得好好食，意粉上嘅配菜都好好味。茄汁燴水牛芝士意義大利雲吞，呢個係好多嘅扁扁形狀雲吞被茄汁煮熟，上有水牛芝士配襯而成，雲吞入面有一層薄薄嘅肉，從未食過扁形狀雲吞嘅我覺得幾特別，配埋茄汁，別有一番風味。