Oliver's Super Sandwiches (Closed)

今日同左同事出左新城市個Oliver's Super Sandwiches食lunch，有好多位，平時lunch時間都好容易搵到位。環境都可以，唔會太嘈，可以傾到計。我叫左個泰式蝦餅+肉醬意粉+沙律菜，都幾豐富架。我初時都驚食唔哂，但上菜時每一件都唔係好大，賣相精緻。我第一口就食左個蝦餅先，wa，超級辣，出哂眼水，如果唔食得辣既我建議都唔好試，我食左一口飲左半杯水先可以recover返。之後我都冇食，俾左我同事食喇。個肉醬意粉都ok，唔會太膩，而且d肉醬唔會太咸，都夠熱既。食既時候可以撈埋沙律菜一齊食，更加美味。價錢係沙田黎講都差唔多，$70幾，可以一試。