Cow Bean (TKO Gateway) (Closed)

朋友賭波贏錢請食lunch，一於去鋸扒由於防疫關係入去前要量體溫牛扒有分三個國家，分別澳洲、紐西蘭、美國。我呢個就係中價位的紐西蘭肉眼牛扒200g，都幾大塊，對我黎講好夠食！另外加$33 A-D 任選三款，我要餐湯、意粉同飲品。餐湯係粟米忌廉湯，同平時杰身的忌廉湯一樣，無咩特別；意粉一定要靠醬汁撈勻食，否則會乾爭爭；飲品叫凍果茶，但飲落似茉莉花茶🤔肉的熟度係自行控制，當加熱到自己想要的熟度時就可以淋醬汁！肉眼扒厚身大塊，肉質柔軟好易切，肉味香濃👍🏻 咁樣食法都幾過癮，又飽肚，值得一試！