廿一前 (Closed)

我以後都會嚟食！！因為佢呢度真係抵到爛！！唔使$100，已經可以任食串燒，打邊爐、飲品、甜品、炸物！！而且仲送刺身同海鮮拼盤！！真係不得了！！係打邊爐之前，出面已經好似啲自助餐咁可以攞下啲麵包芝士嚟食！ 仲要可以任食parma ham!!仲有唔同嘅海鮮，例如青口、蜆肉等等，真係瘋狂食都得！之後我哋就嗌咗個鴛鴦鍋，花膠同芫荽湯底，啲花膠有成四五舊咁多，而且每一舊都好大，成隻手掌咁大！啲芫荽都比得好足，真係瘋狂食芫荽都得😂😂海鮮拼盤方面，有好大隻嘅生蠔同帶子等等，啲生蠔一啲都唔腥，好好食！！因為我哋食120分鐘，所以就有埋呢一個泰式生蝦，其實食落口全部都幾新鮮！而且呢度啲牛豬雞，都係任食！而且仲冇漏單嘅情況添！！見唔見到我哋成枱都係嘢食🤣🤣佢哋嘅串燒都有唔同烹調嘅方法俾我哋選擇，個人覺得雞軟骨同牛幾好食，又唔會好乾身，質素都唔差！最後佢哋仲有得任食雪糕同埋甜品、水果，我最驚喜嘅係雪糕嘅配料仲有七八款俾我選擇，我真係食到全日都唔使食其他嘢🤣