黑木亭居酒屋 (金馬倫道)

中午去咗尖沙咀食日式午餐。叫左二人前set lunch。套餐包左前菜、三點刺身盛、卷物、任選兩款定食、雪糕球。前菜係自助bar，任食沙律菜、水果粒、味噌湯。三點刺身盛有三文魚、油甘魚、八爪魚，刺身幾厚切，肉質幾厚實。卷物係火炙左口魚邊卷，炙燒嘅魚肉魚脂幾香。定食叫左六貫壽司盛配湯烏冬。魚刺身同樣幾厚切，肉質幾爽實。另外叫左壽喜燒牛定食配烏冬，成鍋食材擺放得滿滿，菜底幾多，壽喜燒湯底偏甜，牛肉肉質正常。最後每人一球雪糕，叫左芝麻味，滿足。