一寿司+ (Closed)

同老公都係下午放工,因為佢要去旺角買野,所以打算在旺角食野,本身想去雅蘭那間,因為平時都去開,但知道依邊開左新店,而且只得order,所以決定試下~3點鐘去到, 只有一成客, 舖頭好暗, 大概係營造情調掛!不過企左一陣都冇人理, 第一個印象不太好入座後與老公要求坐卡位, 那是for四人坐的, 哈哈, 俾我地霸左即刻點野食, 之前都係夜晚先去食一壽司, 冇試過下午食, 所以都唔知茶餐係依間獨有定係間間都有, 不過見到好抵, 平均四十幾蚊就有個餐, 超多野食, 於是叫左兩個set一個係兩款卷物送一碗拉麵, 只係四十二蚊, 老公就嗌左個牛肉烏冬, 送兩件卷物, 都係四十幾蚊, 仲叫左炸雞軟骨和幾款sushi, 包括吞拿魚, 活海老及特大帆立貝, 仲有兩杯野飲(原本要三十幾蚊, 跟餐只係加九蚊)第一個set真係好抵, 平日一款卷物, 四舊都要廿幾接近三十蚊, 而家有兩款, 一共八舊, 再加碗麵只係四十二蚊, 抵好多!! 當然碗麵係細size, 而且只係中等水準, 但咁抵, 加上食晒成個set已經飽左大半!老公的set亦不錯, 牛肉和湯底都整得幾好味, 其餘食物都係水準之上, 尤其是帆立貝食晒所