Wanna Eat

Open Now

Now Closed

喺附近返工，都好耐冇嚟食呢間Wanna Eat。舖頭細細間，次次中午嚟到都冇位坐。今次終於趁星期一人少少可以再過嚟食。Cafe嚟講呢間嘅Set餐都算係實惠，70蚊左右起。我嗌咗個雞皇忌廉意粉 $68，包餐湯 (羅宋湯)。另外加3蚊可以多杯凍飲，都算係幾抵食嘅。上到枱，見佢杯凍奶茶都好似幾唔錯，個杯幾有顏值。飲品好正路，糖水係另上比你自己落，唔錯嘅。不過個意粉就有少少失望喇。🤔🤔意粉質感偏向硬身同乾身，好似唔係煮得太熟透。個忌廉汁味道OK，啲雞肉都整得夠味同嫩滑，如果個麵多返啲汁，啲麵再熟林啲會好味好多。之前飲過佢哋咖啡都好唔錯嘅，希望下次過嚟啲意粉整得更好味啦。