麵屋豚豚拍子 x 辛味屋 (Closed)

今日嚟到寶琳嘅新都城，知道開咗好多新嘅食店，就過嚟試一試有咩好嘢食，今次嚟呢間麵屋豚豚拍子x辛味屋試一試，呢度有好多日式料理嘅嘢，又有打邊爐又有咖喱飯，真係花多眼亂啊！而我今次食呢個就係燒牛肉咖喱飯，係日式嘅汁，咖喱汁唔會係辣，但係好香口，配合牛肉，送飯食一流！咖喱汁都有好多配菜，有時薯仔有蘿蔔有洋蔥，口感好豐富，好食！另外仲有小前菜，係粟米配車厘茄，仲有麵豉湯添，呢個套餐真係好抵食！另外仲叫咗個炸蠔嘅小食， 炸物一啲都唔油，仲有啲椰菜絲一齊食，中和返唔會覺得油膩，呢個都係一貫嘅水準！呢間食店嘅水準真係唔錯，份量有好多，男士食一定好夠飽！性價比好高！下次再黎一定要再試埋其他野先得！好多選擇，下次會想試埋烏冬！呢度嘅lunch set真係好抵食！