坤記煲仔小菜

Open Now

Now Closed

雖然呢間係出名夜晚食煲仔飯，但我一路都未有機會夜晚過嚟食。反而lunch都嚟食過幾次。佢啲lunch set都幾抵食嘅，小菜通常50幾蚊，碟頭飯或者炒粉麵飯就通常40幾蚊都有啦。而且仲會包飲品或者湯添。咖哩海鮮炒飯 $43超大碟，應該係用咖喱粉炒嘅，不過落得足料，所以咖喱味都夠。海鮮有魷魚、蝦同埋好多斑塊，都足料。飯嘅份量就真係好多啦。食完都好夠飽。飲品方面我揀咗熱嘅好立克，佢真係沖得幾好飲，唔知有冇落淡奶，因為我覺得比起平時啲好立克，呢個嘅奶味比較重。