九井壽司 (Closed)

今日約咗朋友喺MegaBox附近見面，咁就諗住睇吓MegaBox入面邊度有日本嘢食。跟住見到呢一間日本餐廳好似幾得意咁就入去試吓。入到去我嗌左個雜錦壽司盛，入面有七件壽司、炸雞同埋一個細烏冬。我覺得佢壽司嘅質素算普通唔係話特別好食。但係我覺得佢炸雞好嫩口同埋食落去唔會覺得好乾身，而且佢個烏冬係豬骨湯底我覺得一般😂😂😂。 我覺得最抵嘅優惠就係佢而家加$8可以有八爪魚或者螺肉，最重要嘅係佢個份量唔少可以當前菜咁食。同埋我知所以話佢特別嘅地方係因為佢好似元氣咁有一架火車送到你面前，我估呢啲應該好吸引細路仔😂。