La Terrazza Bar & Grill (Closed)

見今日假期，又撞正生日正日，所以嚟到「La terrazza」食個生日lunch。因為lunch時間，所以就叫咗2個Set lunch。自家製麵包配棷欖油及意大利黑醋如果換成黑松露油、同埋法包，我諗味道會更加好！不過作為餐前飽，都幾好食，仲可以扮晒野有種食高級西餐廳嘅感覺😂😂😂。蒜香紅椒白酒煮青口意粉青口喺細細隻果種，唔喺打邊爐果款大隻青口，所以青口食落好嫩，好重海鮮味。份量就感覺上小咗d，對於我呢d咁大食嘅人嚟講，確喺唔夠喉。脆燒原隻豬手伴薯條及酸紅椰菜呢盤豬手正呀🤤🤤🤤，外脆內嫩，散發住烤焗嘅香脆味，又有豬肉香味，雖然有肥膏，但喺做到肥而不膩。睇得出我對呢盤豬手評價好高。😂凍蘋果茶食豬手配呢杯蘋果茶就啱晒啦。不過有得揀，我都喺想要返茶記嘅凍檸茶。