一寿司+ (Closed)

要去新世紀番之前訂的褲，於是就約埋阿媽新世紀開餐。未黎過一壽司，又見之前食評話lunch set 好抵，咁就一於試。我要了卷物拼卷物+叉燒拉麵。阿媽就要軟殼蟹炒飯 + miso soup + 加州卷。卷物拼卷物要了火焰三文魚同三文魚芒果卷。每樣四件，size正常。飯幾軟熟，又唔會一夾即散。外層沾滿脆pok pok 蟹子，入面的三文魚則軟軟淋淋，口感好好。三文魚新鮮，芒果甜而不酸。叉燒拉麵(豬骨湯底)個湯底偏咸；塊叉燒幾有肉，又唔肥。面質都不錯，不會過淋。我都有試阿媽個飯，炒得好掂，好香口。炒得一粒粒。又多海鮮。飯阿媽話軟殼蟹好食過元氣，無咁乾身又多肉。個加州卷都唔錯，味道清新。miso soup 都係偏感。仲加$9要了杯pineapple + starwberry 沙冰。好大杯，亦真材實料，果味很出！真係好抵飲！一定會再黎，款式多又便宜。