The Balcony (Closed)

呢間餐廳其實之前已經食過一次覺得啲嘢食唔錯，不過嗰次無影到相所以都無寫到食評。今次決定再黎幫襯順便扮食家寫下食評。見佢set lunch menu今日有慢煮雞胸即刻無諗其他choice, 因為感覺慢煮嘢食好健康同埋出面食通常都幾貴，但覺得呢到價錢合理，成個set都只係128。仲要因為我同事用左open rice訂枱再有9折，即刻覺得喺中上環區呢個價錢食到慢煮係幾抵食。個雞胸真係好健康，食落口唔會油膩，唔會覺得“鞋“，因為啲肉慢煮過真係仲係好滑同好juicy，襯埋個蕃茄avocado sauce,酸酸地其實夏天食真係好開胃同好match，成個main course都好健康，食晒都唔會覺得有罪惡感。好啱女仔食。至於個頭盤沙律，都好足料，三文魚都唔少，最正係個沙律汁，唔係一盤沙律醋，而係有少少檸檬味嘅汁，食完好fresh同好開胃。其實下次都會打算再幫襯，會試埋佢其他main course，好食嘅遲啲會再介紹。