Pizzeria La Gondola (Closed)

今日入嚟西貢嘅目的係放狗，放下放下有啲肚餓諗住搵嘢食，咁經過呢間鋪店員就喺門口講話佢樓上有位仲可以帶埋狗入去添，天氣咁熱唔想再行，所以我哋就帶埋隻狗入去食嘢。佢樓上鋪嘅意思係原來係第二棟房子的樓上，不過都係隔離果棟，所以好快就上咗去。set lunch$68，包一碗湯同埋一杯野飲。湯就冇乜特別，都係普通南瓜湯。嘢飲我就叫左杯凍桃汁，來到嘅時候一粒冰都無，而且杯野飲淡而無味，仲要問咗佢兩次佢先俾啲冰我。田園芝士菠菜餡意大利雲吞到主菜嚟到嘅時候，我個心感覺上有少少中伏，因為只有六粒薄薄的雲吞。個名改得好好聽，點知一食落去，係完全中伏，完全係超級市場買嘅冰鮮盒裝意大利雲吞，仲要應該係未完全解凍，食落去好硬以為佢＄68份量都起碼食得飽，點知唔飽得來又難食。落去埋單嗰陣望到個廚房，細到根本就唔係廚房來，唔怪得知佢整出嚟啲嘢食都係簡單，同埋感覺上都係冰凍包裝食物。