Made in HK Restaurant (Closed)

朗豪坊買完波鞋就走左入made in hk食野, 之前去過apm果間食lunch, 今次第一次食呢間既dinner。打開menu都幾岩我地胃口, 又想食小食, 又想食甜品, 但胃又裝唔晒, 都考慮左好一陣先落到單..我叫左一個法式田螺, 一個吉列豬扒青蘋果焗飯先上法式田螺, 平時都唔多有得叫, 都焗得好靚仔, 另一半愛食薯蓉，佢話焗到啲邊香一香! 有啲青醬喺田螺入面, 少少油咁juicy! 食螺都會怕麻煩唔易撩出來, 不過餐廳咩都預備好, 鉗同支叉, 方便好多又唔會怕有尷尬情況出現~再來個吉列豬扒青蘋果焗飯; 大大塊熱辣辣吉列豬扒喺個pan上出來, 飯入面真係有啲青蘋果, 加埋個茄醬，比起平時食嘅多左一個層次, 會開胃啲啲...而且豬扒真的食到肉塊又唔乾~好食