Video
Read full review
2018-12-04
123 views
走進魔法餐廳用餐，感受不一樣的晚膳體驗。平時去尖沙咀行街，已經比較少經過金巴利道，更唔好講係樓上嘅餐廳；朋友推介呢間隱世魔法餐廳，存在喺一個容易忽略嘅位置。一上到去嘅時候，門口掛起紅色布，又掛住幾件魔法睡袍，入座即有侍應介紹食品供客人選擇。我同男朋友2個人呢日相當餓，所以點左好幾樣食物。.印度烤雞翼 $78估唔到呢個78蚊嘅價錢會有四隻雞全翼!雞肉唔算好嫩滑，但係係我鍾意嘅質感，用印度香料醃製，醃得好入味，唔會辣，成個感覺充滿印度風情，而且啖啖肉，芝味無窮。.蝦沙律$98蝦好新鮮彈牙，爽口清甜。伴以清爽沙律菜，雖然沙律醋汁味道唔係好出，但係都帶到佢清新嘅感覺。.炸番薯條$68點嘅時候覺得68蚊食番薯條係幾貴，因為雞翼都只係貴佢十蚊，但係黎到嘅時候見炸番薯條係相當大份，我哋兩個人其實食唔曬，炸到外脆內軟嘅蕃薯條令到佢嘅甜味都出曬嚟！一食就停唔到口，而且相當飽肚。.叫咗一個飲管粉$148口感比意粉更加有咬口，中間因為穿的緣故，所以意粉醬汁吸曬入去，令到淡淡都好juicy。好大隻嘅蜆相當肥美鮮甜，蒜頭汁更加提升咗意粉嘅味道。.羊扒配羊肉腸$278其實我唔係咁接受到騷味，但係男朋友鍾意，所以就
平時去尖沙咀行街，已經比較少經過金巴利道，更唔好講係樓上嘅餐廳；朋友推介呢間隱世魔法餐廳，存在喺一個容易忽略嘅位置。
一上到去嘅時候，門口掛起紅色布，又掛住幾件魔法睡袍，入座即有侍應介紹食品供客人選擇。我同男朋友2個人呢日相當餓，所以點左好幾樣食物。
.
印度烤雞翼 $78
估唔到呢個78蚊嘅價錢會有四隻雞全翼!雞肉唔算好嫩滑，但係係我鍾意嘅質感，用印度香料醃製，醃得好入味，唔會辣，成個感覺充滿印度風情，而且啖啖肉，芝味無窮。.
蝦沙律$98
蝦好新鮮彈牙，爽口清甜。伴以清爽沙律菜，雖然沙律醋汁味道唔係好出，但係都帶到佢清新嘅感覺。.
炸番薯條$68
點嘅時候覺得68蚊食番薯條係幾貴，因為雞翼都只係貴佢十蚊，但係黎到嘅時候見炸番薯條係相當大份，我哋兩個人其實食唔曬，炸到外脆內軟嘅蕃薯條令到佢嘅甜味都出曬嚟！一食就停唔到口，而且相當飽肚。.
叫咗一個飲管粉$148
口感比意粉更加有咬口，中間因為穿的緣故，所以意粉醬汁吸曬入去，令到淡淡都好juicy。好大隻嘅蜆相當肥美鮮甜，蒜頭汁更加提升咗意粉嘅味道。.
羊扒配羊肉腸$278
其實我唔係咁接受到騷味，但係男朋友鍾意，所以就滿足咗佢，我都淺嚐咗一啖，其實煮得非常出色，因為能夠將羊嘅精華味擺曬出嚟。好欣賞佢嘅羊肉腸，雖然我自己覺得好騷，但係我欣賞佢嘅手工同創意，令到所有精華夾雜一齊。一定要試佢個用羊骨淆製嘅汁！點左個汁反而冇咁騷，但係你都會感受被羊尾去包圍嘅感覺。.
魔法廚房帶俾你唔同嘅驚喜，除咗服務同環境，食物更加會不時轉換餐單，令到食客有好嘅創新感覺。價錢其實相當抵食，一般西餐廳相比，呢度嘅質素同性價比絕對高。
當大家抱住一個探索嘅心態嚟，大家就會發掘到咁多無限嘅美食魔法✨
Post
