Video
Read full review
2018-01-27
133 views
幾個月無見一班好姊妹，今次見面當然要好好食番餐啦! 係iSquare附近兜咗一圈，我地就發現太子集團中心裡面，有間叫 Shine嘅高級西餐廳。唔知哪來嘅默契，大家都竟然一致話要去呢間餐廳，呵呵……一出，我地就見到百變顏色嘅招牌。時而紅，時而藍，時而紫 -- SHINE過不停轉入水吧前，我地睇到一個相當值得大家打咭嘅地方♥♥「Come rain, Come Shine」 呢句口號，正正叫大家要撐住，即使天有不測之風雲，但雨後總會天晴。7點半左右，店內已經坐滿咗八成客人。當中唔少係年輕情侶，可見呢度係拍拖勝地之一。如果想飲番杯，當然直接坐吧檯最方便啦！不過，我地幾姊妹主要想吹水為主，揀個僻靜嘅角落就比較好啦！講咗咁耐，係時候要order啦！😝烤茄子佐燉燜蔬菜(素) $58點菜時，朋友提出想先食少少素食打底。咁追求健康，我地無理由唔撐佢呀！茄子烤到外脆內軟，燴埋番茄，薯仔粒，成個素食非常豐富，味道岩岩好。燒安格斯肉眼扒(10 oz)配紅酒燒汁 $308呢碟肉眼扒一上檯，我地忍唔住「哇」咗一聲 -- 因為塊牛扒真係有兩隻半手掌咁大，足足10安士呀！7成熟嘅肉眼扒肉質鮮嫩，非常juicy。
係iSquare附近兜咗一圈，我地就發現太子集團中心裡面，有間叫 Shine嘅高級西餐廳。唔知哪來嘅默契，大家都竟然一致話要去呢間餐廳，呵呵……
一出，我地就見到百變顏色嘅招牌。
時而紅，時而藍，時而紫 -- SHINE過不停
轉入水吧前，我地睇到一個相當值得大家打咭嘅地方♥♥
「Come rain, Come Shine」
呢句口號，正正叫大家要撐住，即使天有不測之風雲，但雨後總會天晴。
7點半左右，店內已經坐滿咗八成客人。
當中唔少係年輕情侶，可見呢度係拍拖勝地之一。
如果想飲番杯，當然直接坐吧檯最方便啦！
不過，我地幾姊妹主要想吹水為主，揀個僻靜嘅角落就比較好啦！
講咗咁耐，係時候要order啦！😝
烤茄子佐燉燜蔬菜
$58
18 views
0 likes
0 comments
烤茄子佐燉燜蔬菜(素) $58
點菜時，朋友提出想先食少少素食打底。咁追求健康，我地無理由唔撐佢呀！
茄子烤到外脆內軟，燴埋番茄，薯仔粒，成個素食非常豐富，味道岩岩好。
燒安格斯肉眼扒(10oz) 配紅酒燒汁
$308
20 views
0 likes
0 comments
燒安格斯肉眼扒(10 oz)配紅酒燒汁 $308
呢碟肉眼扒一上檯，我地忍唔住「哇」咗一聲 -- 因為塊牛扒真係有兩隻半手掌咁大，足足10安士呀！
7成熟嘅肉眼扒肉質鮮嫩，非常juicy。淋上紅酒燒汁後，啖啖肉塊都洋溢住一股幸福。值得一讚嘅，係成塊肉眼扒無咩牛筋，確實高質。
玄米茶素麪佐慢煮雞肉
$108
18 views
0 likes
0 comments
玄米茶素麪佐慢煮雞肉 $108
食左成塊牛扒，有姐妹就提出想食番少少清淡嘅澱粉質食品。侍應姐姐就介紹咗呢款素麪配雞肉畀我地。
係攪拌麪條同佐料時，我地要慢慢將淡淡嘅玄米茶倒入麪食當中，形成「茶麪」。呢款麪食非常清淡，我地只隱約食到雞肉同海苔嘅鮮味，岩哂想食得清淡嘅朋友仔呀！
提拉米蘇
$58
19 views
0 likes
0 comments
提拉米蘇 $58
Tiramisu 係意大利文，意思係「帶我走」。
我地食呢款甜品個陣，的確好想再order一份，帶佢返屋企呀。
餅底口感鬆軟幼滑，質感比普通海棉蛋糕結實，令人有股愈食愈想食嘅感覺。難怪朋友們都叫佢做「甜品魔鬼」呀！
不過，我個人覺得，呢次配搭嘅藍莓有啲酸，所以我地都食左兩啖，就默默放低咗佢，專心食草莓同埋成個提拉米蘇。
★★★餐牌
呢度餐牌嘅展示方式幾特別。佢地唔係印刷成一本書，或者一份小冊子; 而係用一張接近A2 size嘅咭紙做display，非常fancy!
有關甜品個張餐牌，更加有幾個Q版嘅圖案，叫人點能夠唔賞心悅目呢？
如果大家想淺嚐酒品，呢度都有各式各樣嘅酒類畀大家揀選㗎！
Post
