Mamaday (Closed)

去mamaday食野打卡，估唔到食物幾好，但飲品就麻麻地喇，有待改進。餐廳裝修有玩味，連餐牌都花咗唔少心思，唔錯唔錯。都幾辣的泰式打拋豬烏冬$112- 泰式辣度足夠，辣得幾刺激，烏冬煮得啱啱好，同蝦片一齊食幾好味，推介！可能會失望溫泉蛋明太子意大利扁麵$108- 意大利麵掛到明太子忌廉汁，蟹棒都幾大條幾鮮味。賣相一流！隨便炸的啦$89- 呢道菜有四款小食: 炸蝦、洋蔥圈、魷魚圈、薯條。每樣都炸得香脆可口，冇油膩嘅感覺，炸粉都好薄，點上茄汁同沙律醬可以減少熱氣。我同朋友都覺得呢個小食好好味！手工紫薯牛奶$48- 杯牛奶就麻麻哋，雖然佢標榜用天然紫薯，但略嫌紫薯味道偏淡，但顏色好靚。提拉米蘇聽過未$46- 咖啡杯走懷舊風格，用來影相打卡一流。味道就一般般，冇乜提拉米蘇嘅味道。如果飲品可以又靚又好味就好喇。整體餐廳小食主菜都好味道！可以再去！