必勝客

Open Now

Now Closed

平時甚少光顧必勝客的我，某日在港鐵金鐘站看到那海鮮鮑汁片的大型廣告，覺得幾吸引，決定找一天去品嚐一番。打完波，便和提議去食pizza hut，在朋友沒異議的情況下，兩人就往必勝客的方向走去。餐牌也不須看，就鎖定要$208的海鮮鮑汁片辣肉腸套餐，明知兩條友食唔晒，也要叫。一個批、三文魚意粉銀包、脆炸墨魚塊配魚圈，一百事一凍檸茶。炸墨魚塊配魚圈最先到，墨魚塊炸得唔脆口，墨魚味只得一丁點，魚圈也只吃到炸粉漿；三文魚意粉銀包，用金色錫紙包著焗，不過三文魚仍然不香，還好的是意粉夠入味。主角的海鮮鮑汁片辣肉腸批終於出場，賣相是幾好的，有些少粟米粒、青椒、辣肉腸等鋪面，每件都有一片的鮑片，也有塗上黃芥辣，旁邊溢出的是豐富的芝士。黃芥辣的辣味剛好，不過咬下總覺材料不十足，鮑片雖早已預料是下等貨，但感覺就是不好。最好的還是周邊的芝士，焗起好香好濃。對新批沒有驚喜，見識了一次便夠。其實，如果不是廣告既吸引，可能我也不會來。所以話，marketing真是重要。