中村藤吉香港店 (Closed)

今日同媽媽去尖沙咀蒸腳兼按摩，未夠鐘就周圍行下，經過美麗華地鋪呢間抹茶專賣店，就入去行個圈。之前有食過樓上3樓果間，等位要等好耐。樓下做takeaway，唔洗點等，人流唔多。揀左呢個抹茶軟雪糕，有紅豆蓉，丸子。印象中$50幾蚊，其實真係幾貴，$50幾食個雪糕。不過都算好食嘅，抹茶帶甘香，有些少澀味，又唔會太甜。紅豆就夠軟滑，丸子夠彈牙。同埋個甜筒好脆卜卜，一路食雪糕可以一路咬下個脆筒。不過試過就應該唔會再黎了。