Mavericks (Closed)

今次山長水遠坐車又坐船去到貝澳,為的不是摸蜆, 而是去尋找下遠離繁囂的下午。Mavericks 位於貝澳沙灘, 一入餐廳, 感覺真的不一樣: 是香港嗎? 懶洋洋的沖浪人, 休閒地睇書人, 周圍以木嘅裝飾, 大量海灘相, 沖浪相, 滑板相, 有一剎那間真的覺自己在渡假了! 迎面的海風沒有間斷地吹入來, 超舒服, 把嚴嚴夏日悶焗的心情一掃而空。沒有吃午飯的我們已經咕咕叫, 我點了個炸雞burger 加薯條. 配上杯gunner.炸雞burger 不會太多炸粉,肉身十分結實, 相信餐廳用了美國的雞胸黎炸, burger 用的麵包係特別桿的, 唔似一般的普通麵包。重點係薯條, 佢炸兩次的效果比普遍的薯條更加香口; 炸的時候同pepper 落去炸, 唔使再點茄已經好好味~ gunner 就沒有什麼特別, 只不過在眼前海景下吃上這隸的美食真係涼透心呀~感覺真的似去了渡假一樣!下次黎貝澳的朋友一定要試試呢間充滿渡假氣息的餐廳, 當俾自己take 個小小的break 吧!