MAZ Thai & BBQ (Closed)

同媽媽去食泰國菜，揀咗一間係佢返工地方附近嘅餐廳，地舖，好早嚟到所以暫時冇咩人。首先揀咗一個我阿媽都唔識整嘅辣蟹，價錢比之前食嘅私房菜平少少。泰式古法炒辣蟹＄328選擇了小辣，其實真係唔係太辣，表面有好多配料爆得好香，裏面嘅蟹肉都大大件，絕對唔係水蟹，睇過蟹鉗就知道咩事啦！個蟹殼裏面都有啲蟹膏，唔係我杯茶，主要都係阿媽食，不過味道都OK。裏面啲肉香香地有少少辣，鮮味足，食得好滋味，連正餐嚟到我哋都唔理，食晒先算洗面洗埋手。菠蘿炒飯＄88之前食過原隻菠蘿炒飯，基本上食品名稱沒有「原隻」兩個字嘅時候一定唔會比一個菠蘿你。所以上面有d切左既菠蘿粒。裏面有一啲蝦仁，色澤炒得均勻，味道尚算豐富。特別係旁邊有一些肉鬆碎和腰果，沒有撈埋一齊炒絕對是明智選擇，保留到原本有的鬆脆和爽口口感。炒金邊粉＄82金邊粉炒起比較乾身，是因為湯粉不能選擇所以才選擇了炒粉，如果晚上也賣湯粉就好了！裏面也是有一粒粒的蝦仁和蛋絲。酸酸甜甜，增進食欲。除了加水不夠主動之外，其他都不錯了。