McSorley's Brewhouse & Grill (Closed)

今個月業績唔差一於獎勵下自己，和同事搵一間正嘢大吃一餐，我點了一款招牌海鮮扁意粉龍蝦青口，大蝦及甜紅椒汁。一上枱已經聞到香噴噴，扁意粉煙煙靭靭，大大件龍蝦爽甜多汁，蝦膏金黃 蜜糯。青口肉鮮嫩無比，海洋味豐富。鮮大蝦鮮甜至極加配甜紅椒汁點綴， 果真最佳拍檔，不愧為招牌菜。另一款美國頂級12安士西冷牛扒，質素別於一般的，重量磅級，只要輕輕切開濃郁牛香直撲鼻蕾，眼見汁液源源不絕，令人急不及待地送進口裏，綿柔肉質，只需輕輕咀嚼，蜜糯糯的滋味無窮。我俩點了兩杯餐飲，無酒精的鮮果香，果香迷人，滋潤又心甜，大師調製手藝，確實有一手。