Mee...lemongrass (ac四期) (Closed)

經過香港仔有呢間Mee...lemongrass，就醒起之前係cwb都見過呢間餐廳，今次終於有機會試下啦。餐廳主打東南亞食物，價格親民，食物水準甚高，色香味俱全。餐廳裝修簡單，燈光通明，環境舒服。招牌無骨海南雞飯 ($64)海南雞好足料，去哂骨，肉質嫩滑，雞皮金黃有光澤，用酸汁配合，加上香噴噴的油飯，絶配！套餐配埋雞湯同埋油菜，雞湯鮮甜，油菜爽口，呢個套餐健康又抵食。香葉蝦仁米紙卷 ($62)薄薄的米紙包著生菜、粉絲、青瓜、蝦仁、甘筍絲、炸蒜乾、一粒辣椒，再沾上酸辣汁，酸酸甜甜加點辣，好開胃！Mee...喇沙、大蝦、蜆肉、蟹柳、雞蛋、魚蛋、豆腐卜、魷魚 ($84)大量鮮甜海鮮配料，好足料，湯底惹味，好重椰香味且無腥味，味道香濃。麵條用面同米粉兩溝，一粗一幼，好有口感。麵條索曬香濃喇沙湯， 豆卜吸曬個喇沙既精華，每一口咬落去都充滿濃郁的香料椰奶味，食完一啖接一啖。