Video
Read full review
2002-12-05
27 views
絕對認同小黑貓講法, 呢間野真係好睇唔好食!! 裝修係靚靚, 如果鍾意"食裝修" 既人會幾鍾意, 不過o個度有個別waiter 服務態度有點問題, 話說當晚約十點我同三個老友去到, 搵位坐低之後, 諗住拍板叫野食, 就叫左企係我朋友後面既一位妹妹仔點菜, 點知個妹妹仔同我地講: "Sorry 呀, 我十點鐘就要收工喇...." 嘩! 唔係呀, 都係o岩o岩先到十點o者, 叫你落一個order 都唔係哂你好多時間o者, 落完order 咪自己靜靜雞"閃" 囉! 駛唔駛咁"準時" 收工呀? (筆者按: 該餐廳的收工時間為晚上十一點, 而當時還有其他waiter 努力地工作中以及餐廳內還有約二十名客人。)<br>去食店度食野, 始終都係以食物為主角。同另外三位老友夾埋叫o左兩個二人套餐, 另外再加多一碟西蘭花煙肉意粉, 二人套餐包括有Caecar Salad 同豬頸肉作前菜, 唔知係咪趕住收工關係, 個沙律做得好求其, 淨係得菜同沙律汁, 麵包粒、洋蔥同芝士通通欠奉, 豬頸肉則為一般貨色; 主菜為炒飯同蕃茄螺絲粉, 炒飯唔夠熱, 個螺絲粉味道好鹹, 另外個西蘭花煙肉意粉同樣都
<br>去食店度食野, 始終都係以食物為主角。同另外三位老友夾埋叫o左兩個二人套餐, 另外再加多一碟西蘭花煙肉意粉, 二人套餐包括有Caecar Salad 同豬頸肉作前菜, 唔知係咪趕住收工關係, 個沙律做得好求其, 淨係得菜同沙律汁, 麵包粒、洋蔥同芝士通通欠奉, 豬頸肉則為一般貨色; 主菜為炒飯同蕃茄螺絲粉, 炒飯唔夠熱, 個螺絲粉味道好鹹, 另外個西蘭花煙肉意粉同樣都係唔夠熱。甜品為朱古力蛋糕同菠蘿班戟, 個蛋糕係整餐晚飯中較好食既食品, 朱古力味好濃, 不過好細件, 至於件班戟則"慘不忍睹" , 冇乜心思之餘, 件班戟皮好硬好難食。飲品方面, 杯熱Latte 算係勉勉強強, 另外杯熱Mocha 我唔係咁鍾意佢有pat cream 係面, 事關係熱飲, 咁做會搞到杯咖啡凍得快(尤其係佢杯咖啡已經係好細杯)。
Post