AFTER TEN (Closed)

經過元朗，被After Ten簡約風吸引，決定去食嘆個靚brunch，不竟好耐冇自己陪自己好好出去食一餐。餐廳樓底高，裝修以白色為主，枱與枱之間距離大，整體好有空間感。點咗奶油雞肉蘑菇可麗餅做為brunch。一上菜聞到淡淡嘅奶油味。奶油汁內用上好多香料，所以食落有香草味，唔膩。質地好creamy，包著雞肉同蘑菇，令雞肉食落唔會嚡。對於Crepe 嘅好壞，可麗餅底舉足輕重。Crepe厚薄適中，中間有煙韌感，邊邊位仲有少少脆。味道上Crepe本身都好香蛋味。份量比想像中大，Crepe兩大卷，入面放滿雞肉同蘑菇，啖啖都好豐富。Dark Mocha 用咗70% 可可，一黎就有一陣可可香。味道有層次，首先係可可嘅甜，之後係微苦，roaster過嘅味，最後到咖啡回甘。隨著一啖又一啖飲咖啡，Me time差唔多完。飲完仲keep到靚靚拉花，之前學過拉花，知道每朵花背後都藏著心思同練習，要多加欣賞。