Meat King (Closed)

呢一間係一間日式嘅西餐廳，大家可以選擇一個餐或者單叫。而每個餐都可以揀唔同g嘅肉量，又或者係加錢升級，在可以加多啲錢加個半自助餐。 香蒜牛油牛肉漢堡扒 $198 280g 再加左＄40升級做安格斯牛肉，呢個味道比想像中有啲出入，醬汁比較濃同埋鹹，遮蓋左牛肉嘅味道同埋蒜香味，搞到試唔到安格斯嘅肉味。但食得出肉質非常之林同多肉汁。可以選擇配飯、意粉或者薯菜，配飯或者意粉就啱啱好一個晚飯嘅份量。 松露忌廉集菌牛堡 $158 180g 同樣加左＄40升級做安格斯牛肉，忌廉汁非常重松露味，加上牛肉味道啱啱好，唔會遮蓋左牛肉嘅鮮味，食得出牛味亦都食得出菇菌味。而配料都有非常之多嘅菌類，啱晒鍾意食菇嘅大家。提提大家仲可以加＄10叫多一碗白飯，咁就可以再飽啲啦。