Mee...lemongrass (Closed)

今日去將軍澳探朋友 夜晚順便係將軍澳食飯 因為我地都鍾意食泰國野 於是就黎到Mee⋯lemongrass 環境幾好 亦已經開始有萬聖節既裝飾 認真有心思 餐廳內幾闊落 而我地入座時間偏夜 所以唔需要等位 服務員有禮貌甘招呼我哋坐低 同埋都立即拎左兩杯水俾我地打開餐牌 好多野都好吸引 選擇亦非常多 麵類 飯類 小食 飲品 應有盡有 真係好難選擇啊 因為本身唔係太餓 所以最後我地選擇左軟殼蟹米紙捲6件 大蝦炒金邊粉 香芒椰汁糯米飯飲品方面我選擇左熱既杞子紅棗茶 因為本來我都係比較飲熱飲既 味道少少偏甜 因為好多杞子同紅棗 用料好足鍾意飲凍飲可以試下其他 我朋友選擇左Mee⋯魔法梳打 上到黎見到個款同個杯既設計幾特別 顏色係紫色所以真係幾夢幻到主菜方面 因為我第一次食米紙捲 所以感覺好得意 距既米紙好有嚼口 每一件都有一個軟殼蟹加沙律菜配埋醬料 口感唔錯 好新鮮 可以當係一個開胃既小菜每次黎親泰國餐廳都會點金邊粉 果然呢個都無令我失望 有兩隻大蝦 配料有青檸 花生碎 砂糖 辣椒粒 可以自己任意配搭 金邊粉酸酸甜甜亦有少少辣 非常入味 下次可以再戰小食方面 香芒椰汁糯米飯設計特別 好似壽司咁