Solé (Closed)

平時真係好少黎九龍灣，今日有野要係度做，所以留低食餐飯，黎左呢間法國餐廳Solé。呢度有行政套餐，包是日餐湯或沙律，主菜6選1，可以加錢要甜品，咖啡茶或酒類。今日第一次黎，每人叫左一個餐，再加一份甜品分享。麵包籃有牛油餐包兩個，另上一pat牛油。餐包鬆軟，如果係暖或熱既就好啦。是日餐湯係椰菜花湯。我地都揀左沙律。沙律係新鮮沙律雜菜加少量豆角同車厘茄，夠爽脆，調味用黑醋，仲加左好多橄欖。身為食肉獸既我地，當然叫牛同豬啦。炭燒牛側腹扒配沙律及香草烤薯條伴芥末籽燒汁＄186 另加一炭燒牛側腹扒一客兩件，叫左3成熟，食落肉質要咬下，牛味就非常濃，肉汁豐富，個芥末籽燒汁好味道。伴有幼身薯條，非常脆口，另上茄汁比你點。沙律雜菜加左黑醋，甜甜地可以平衡薯條既油膩感。低溫慢煮伊比利豬鞍扒配法式烤菜伴燒汁＄186 另加一低溫慢煮伊比利豬鞍扒擺盤唔錯，豬鞍扒大大塊，連骨同有少少脂肪，食落都算嫩口，豬味都唔錯，上面加左少少菜苗。個燒汁甜甜地，都好好味。法式烤菜係意大利青瓜各一同茄子一件，多汁之餘味道天然。法式千層酥 加＄25 另加一見到呢個甜品就即刻叫，好耐無食千層酥啦，加$25就有真係幾抵。首先賣相非常精