Picada (Closed)

上網見到有咁多好評所以約咗幾個好耐冇見嘅朋友嚟試下，結果係失望而回。一早訂咗7點，上到去人唔多，但係佢哋人手唔夠所以都要排隊等先有人帶位。我哋被安排坐喺好暗嘅corner位，真係黑到連食物都睇唔到。其實間餐廳本身環境係偏暗但係真係有少少過分暗囉我哋個位。因為佢哋人手唔夠我哋等咗好耐先至有人比menu，又等左好耐先至有人比水我哋。當晚都係七點啫，點知點餐嗰陣店員就已經同我地講冇晒guacamole!一心來諗住就係食佢哋呢個招牌，真係好失望呀！最後叫咗其他嘢，其實味道好麻麻，牛肉又硬，而且啲嘢食唔知係咪放咗好耐先攞俾我哋，所以都唔熱嘅。總之就真係好失望唔知點解會有咁多好評價錢仲唔平嘅。咁嘅價錢大把嘢好食！