Mela Italian & Spanish Cuisine (Moved) New Location

見到呢間紅噹噹嘅餐廳係廣場正中間，專食意大利菜，有至愛扒同埋西班牙海鮮飯就入去試試。🎏😊六點幾入到去，唔算多人，可以自己揀位👍🏻餐廳佈置都幾開陽入邊用唒紅枱布、紅櫈，充滿熱情風味。肉眼扒都好大塊，叫咗五成熟切開肉質啱啱好，見到啲肉粉紅色，唔會過熟過老。若牛扒再厚身啲就正了！伴碟菜都好特別，有個蜜糖蒜頭，啲蒜頭味唔會太濃烈，餐廳加咗好多蜜糖，甜甜地，又有啲蒜香，幾好味！海鮮西班牙飯比較特別，唔似其他餐廳用咗好多茄膏。呢款西班牙海鮮飯顏色較黃，面頭鋪左好多好大隻嘅蜆！脹卜卜、好鮮甜！😍👍🏻個飯充滿蜆汁嘅鮮甜味，好好味！仲有魷魚、海蝦。野飲summer holiday，入邊有檸檬汁、橙汁同埋菠蘿汁，飲落酸酸甜甜幾開胃！令一杯紅梅汁正常，唔會過甜過淡。最後叫咗杯甜品，意大利雲呢嗱雪糕配牛油脆脆，雲呢拿雪糕唔算話好特別，但係下面鋪咗好多牛油脆脆脆，好脆好香口！混係雪糕就好好食，加分！