The Lounge

Open Now

Now Closed

見到有新出的開心果主題下午茶，當然要約會開心果控的好姊妹一齊試試😋，在主題一出第一日就去試！環境：環境寬敞，餐枱距離不擠迫，落地大玻璃引入舒服的自然光，感覺非常休閑relaxing～食物：Menu上每一項食物，見到個名都已經充滿期待，不過到食的時候未有太大驚喜，感覺不過不失，尤其鹹點，可能鹹點會難啲好「開心果」嘅感覺？！不過香煎北海道帶子伴開心果牛油果慕絲配搭清新好食😋相對下甜點較出色，最香濃開心果味嘅係開心果焦糖布丁撻同開心果Tiramisu，非常喜歡😋其實全個set最驚艷的是堂弄法式橙酒班㦸！服務員會在你食得七七八八時即席在你面前整，本來怕酒味很重，結果只有又甜又蜜味的橙味伴住薄薄的班㦸皮，高質！😋不過加錢的開心果latte就非常失色，太甜而開心果味不濃。