Plato Cafe & Bistro (Mikiki)

之前食過吳松街嘅Plato Cafe & Bistro，呢晚發現原來Mikiki亦有分店，印象中價錢合理，食物質素亦不錯。二人套餐價錢係$458，包咗餐湯、前菜、意大利飯/粉、扒類、甜品及飲品，選擇非常之豐富。餐湯係南瓜忌廉湯，南瓜味濃郁，入口好滑，味道不俗。前菜我地揀咗酸忌廉煙肉薯薯條，薯條炸得非常香脆，配以酸忌廉及煙肉，非常惹味香口。主食係波士頓龍蝦汁意大利飯，龍蝦算大隻，入口鮮甜，意大利飯煮得煙靭，佈滿龍蝦汁鮮味。西班牙黑毛豬鞍架 - 肉質鮮嫩，帶微微焦香，入口好juicy好味，配菜有焗薯角及西蘭花等配菜。甜品係cheese cake，份量都唔細，芝士味道好rich, 質地亦非常creamy。餐飲點咗熱檸茶及熱柚子蜜各一杯，屬正常發揮。另外要讚環境舒服好坐，食物質素好，啱晒同朋友傾偈。