煲底海鮮火鍋料理 (Closed)

今日同老公慶祝周年紀念帶我試吓高質素嘅火鍋於是就揀咗呢間煲底火鍋，一入嚟就見到好多Mirror嘅相😍啱晒啲鏡粉嚟食飯打卡。椰子花甲蟹鍋（ $228 ）呢個蟹鍋有好多食材包括咗椰子、花甲、蟹、雜菌及粟米等等，一水滾就飲咗啲湯先，有好濃郁嘅椰子味好飲到飲咗兩大碗。吊龍伴（$319 ）牛肉🐮我哋揀咗吊龍伴因為好少食想試吓，果然比較瘦但肉味好濃好正😋自家製蟹黃包同黑松露帶子餃各半份（ $129）。爆汁四寶丸（$129）包括左右牛、豬、蝦及墨魚丸四款，全部都有爆漿餡，食嘅時候要小心啲，另外再叫咗三寶餃（$108）有水餃、雲吞、同埋韭菜墨魚餃都唔錯！冰火魷魚（$108 ）呢款必食推介果然好正！配上甜甜地嘅醬汁加上特色辣醬，味道甜甜地又唔係太辣。飲品叫咗煲底賓治及蜜糖檸檬茶🍋特飲（ $55 ）圓形嘅杯裝住好適合打卡👍呢度7:30前埋單仲有七五折，下次可以再嚟試吓其他嘅湯底。